Ministri i Ekonomisë, Kulturës dhe Inovacionit, Blendi Gonxhja në përfundim të mbledhjes së qeverisë gjithashtu njoftoi edhe miratimin e “Paketës së Maleve”. Gonxhja u shpreh se kjo nisëm do të sjellë zhvillimin e ekonomisë malore.
Ministri tha se miratimi i kësaj paketë nxit kthimin e shumë shqiptarëve nga jashtë vendit.
Gjithashtu do të lehtësonim dhe të nxisnim që të kishim edhe diasporën dhe kthimin e shumë shqiptarëve për tu kthyer në tokat e të parëve edhe nga jashtë vendit ku ata mund të jenë sot për të zhvilluar projekte që më pas ne do të bënim të mundur që t’i ndihmonim që të kishin një ecuri më të shpejtë miratimi dhe zbatimi të këtyre investimeve në zona që ne do t’i shpallim zona me përparësi dhe me një nevojë prioritare për një zhvillim ekonomik të mbështetur nga këto instumenta që ne propozojmë me këtë projektligj.
Ndërkohë ministri i Pushtetit Vendor, Arbjan Mazniku theksoi se malet janë një burim i nënpërdorur.
Arbjan Mazniku: Malet mbeten një nga burimet shumë të mëdhaja dhe janë një burim i nënpërdorur ndaj dhe kjo paketë krijon një sinergji mes qeverisë dhe pushtetit vendos për t’i vënë në funksion të plotë të zhvilimit të vendit me fokus kryesor të zhvillimit turistik gjithë malet. Këto zona fitojnë përmes ligjit një seri përparësish zhvillimore. Personat që investojnë në këto zona zgjidhin gjithashtu një seri problemesh që kanë të bëjnë me pronësinë dhe thjeshtësojnë procedurat e marrjes së lejes. Pra zgjidhim tre probleme sistematike, zonimin, paketa e incentivës fiskale dhe së treti lejet e zhvillimit për këto zona duke dhënë mundësinë që të shohim mundësinë dhe të orientojmë zhvillimin drejt maleve duke bashkërenduar punën. Ndaj kjo do të jetë një paketë që do t’i japë shumë zhvillim të gjithë maleve në vitet në vijim.
