Drejtoria e Përgjithshme e Burgjeve në bashkëpunim të ngushtë me Komitetin Shqiptar të Helsinkit bëri të mundur hartimin dhe miratimin e Udhëzuesit “Për menaxhimin dhe parandalimin e radikalizmit dhe ekstremizmit të dhunshëm në burgje” nëpërmjet Urdhrit Nr. 11972, datë 05.12.2018 të Drejtorit të Përgjithshëm të Burgjeve.
Ky Udhëzues u hartua nga grupi i punës i specialistëve të DPB nën supervizimin dhe me ndihmën e ekspertit holandez për çështje të ekstremizmit të dhunshëm dhe radikalizmit në burgje, Jack Burger.
Udhëzuesi është rezultat i trajnimeve mbi parandalimin e ekstremizmit të dhunshëm në burgje, që Komiteti Shqiptar i Helsinkit organizoi me stafin e Institucioneve të Ekzekutimit të Vendimeve Penale në Shqipëri, në kuadër të projektit “Shoqëria Civile kundër Ekstremizmit të Dhunshëm”, mbështetur financiarisht nga Bashkimi Europian. /a.meta
