Qeveria miratoi në mbeldhjes e së mërkurës projekt-buxhetin e vitit 2016. Sipas Ministrisë së Financave, drafti parashikon rritje të ndjeshme të investimeve publike, falë edhe Eurobondi prej 450 milionë eurosh. Sipas përcaktimeve që janë bërë, nga këto para, 150 milionë euro do të shkojnë pikërisht për investimet publike. Sipas Minsitrisë së Financave, gjatë vitit të ardhshëm pritet një rritje me 4 % e pensioneve.
Rritja ekonomike për vitin 2016 parashikohet në nivelin e 3.4 %. Ndër investimet madhore që parashikohen për vitin e ardhshëm janë HEC-I Devoll, TAP-I, Skavica, parku industrial, të cilat do ta furnizojnë ekonominë shqiptare, me investime të huaja të drejtpërdrejta.
Eshtë parashikuar që vitin e ardhshëm të ketë dyfishime të fondeve për bashkitë, që tashmë janë zgjeruar me ndarjen e re terriotoriale. Në proces miratimi janë edhe ndryshimet në paketën fiskale, ku parashikohet aplikimi i taksës së trojeve në qytete, rritje e akcizës për pijet e prodhuara në vend, dhe ulje për produktet e importit.
