Kuvendi i Shqipërisë ka miratuar me 118 vota pro dhe 1 kundër raportin e Prokurorisë së Përgjithshme, për heqjen e imunitetit dhe arrestimin e deputetit të Partisë Socialiste Armando Prenga i akuzuar për ngjarjen e rëndë në Laç të pak ditëve më parë.
Pas miratimit të bërë dje në Këshillin e Mandateve dhe Rregullores, Kuvendi i ka dhënë dritën jeshile Prokurorisë për arrestimin dhe vënien përpara drejtësie të deputetit Prenga, duke zyrtarizuar edhe heqjen e imunitetit të tij.
