Në mbledhjen e sotme qeveria vendosi miratimin në parim të dokumentit ndryshues të marrëveshjes së huasë ndërmjet qeverisë së Shqipërisë dhe fondit për zhvillim abu dhabi, për financimin e projektit të bulevardit verior dhe të rehabilitimit të lumit të Tiranës.
Në mbështetje të nenit 100 të Kushtetutës, nenit 26, të ligjit nr.9665, datë 18.12.2006, “Për huamarrjen shtetërore, borxhin shtetëror dhe garancitë shtetërore të huasë në Republikën e Shqipërisë”, të ndryshuar, dhe të neneve 5 e 7, të ligjit nr.8371, datë 9.7.1998, “Për lidhjen e traktateve dhe marrëveshjeve ndërkombëtare”, me propozimin e ministrit të Financave, Këshilli i Ministrave
V E N D I M :
Miratimin, në parim, të dokumentit ndryshues të marrëveshjes së huasë, ndërmjet qeverisë së Republikës së Shqipërisë dhe Fondit për Zhvillim Abu Dhabi, për financimin e projektit të Bulevardit Verior dhe të rehabilitimit të lumit të Tiranës, sipas tekstit që i bashkëlidhet këtij vendimi.
Ky vendim hyn në fuqi menjëherë.
