Këshilli i Bashkimit Evropian miratoi Marrëveshjen e Stabilizim Asociimit ndërmjet Kosovës dhe Bashkimit Evropian duke hapur rrugë për nënshkrimin e MSA-së më 27 tetor në Strazburg.
“Të gjitha institucionet kanë punuar jashtëzakonisht shumë për të ardhur në ditën e sotme. Procesi negociator për MSA-në ka filluar në vitin 2013 dhe dëshiroj të falenderoj të gjitha institucionet shtetërore për punën e tyre gjatë negocimit të MSA-së, si dhe partnerët tonë ndërkombëtarë për përkrahjen e ofruar”tha ministri i Integrimit, Çollaku.
MSA-ja parasheh themelimin e marrëdhënieve kontraktuale ndërmjet Kosovës dhe Bashkimin Evropian dhe paraqet hapin e parë formal drejt anëtarësimit të plotë në BE.
