Të gjithë mësuesit që duan të punësohen në arsimin parauniversitar, duhet të kalojnë përmes testimit në portalin ‘Mësues për Shqipërinë”.
Udhëzmi nr.38, i cili hyri në fuqi ditën e djeshme, rregullon procedurën e emërimit apo largimit të mësuesve. Sipas ndryshimeve të bëra, drejtori mbetet ai që mer vendimin për të marrë apo për të larguar mësuesin, ndonëse nuk mund t’a bëjë këtë pa marrë mendimin e këshillit të prindërve apo komisionit psiko-social.
Në udhëzimin e ministrisë së Arsimit sqarohet se ndryshime janë bërë edhe në dokumentacionin e aplikimit, si dhe te komisioni që vlerëson kandidatët për një vend pune. Gjithashtu, nga ky vit, do të jetë testimi që do të fusë mësuesit në sistem, bashkë me dosjen që ka çdo kandidat, duke favorizuar ata që mbledhin pikë maksimale dhe siç funksiononte më parë, me konkurs përpara një komisioni që kryente vlerësimin me pikë.
