Kryeministri i Kosovës, Ramush Haradinaj, ka dhënë deklaratën e parë menjëherë pas ratifikimit të Demarkacionit në Kuvend me 80 vota pro. Haradinaj thotë se tashmë është koha të hiqen edhe vizat për qytetarët e Kosovës.
Postimi i plotë i Haradinajt:
Kuvendi i Kosovës me sukses ratifikoi Marrëveshjen e Demarkacionit të Kufirit me Malin e Zi. Mirënjohës për të gjithë deputetët që votuan pro, si dhe për durimin dhe mirëkuptimin e popullit të Kosovës.
E përkushtuar në krijimin e një shoqërie demokratike, të bazuar në rend e ligj, Kosova tani pret që Bashkimi Evropian të bëjë pjesën e vet, ashtu siç u premtua, që më në fund qytetarëve të Kosovës t’u mundësohet lëvizja e lirë në BE, si të gjithë evropianëve tjerë.
ma.me
