Sonte minuta e fundit në mbarë botën do të zgjasë një sekondë më shumë se zakonisht. Kjo është një dukuri që ndodh për shkak të fenomenit të ngadalësuar të rrotullimit të Tokës rreth Diellit, raporton Anadolu Agency (AA).
Në të gjitha vendet e botës, sonte natën nga 30 qershori në 1 korrik “Universal Time Coordinated” (UTC), në orën 23:59-00:00, minuta do të zgjasë 61 sekonda, kështuqë orët, sekondën e njëjtë do ta numërojnë dy herë.
Fjala është për procedurën me të cilën shtohet një sekondë për të harmonizuar shkallën kohore natyrore dhe atomike. Njerëzit në përgjithësi nuk do të vërejnë ndonjë ndryshim të dukshëm, por “sekonda shtesë” do të sjellë plot punë menaxhimit të sistemeve satelitore globale të navigacionit dhe harmonizimit të sistemit të rrjeteve kompjuterike dhe të ngjashme.
