Ministrja e Drejtësisë, Etilda Gjonaj, ka ‘liruar’ për disa orë gratë e dënuara duke i çuar në Kryeministri, ku u realizua për herë të parë një ekspozitë me punime nga gratë që qëndrojnë në institucionin “Ali Demi” dhe të miturit e Kavajës.
Nga ambientet e sallës COD e cila kishte hapur dyert, Gjonaj vendosi theksin te drejtësia sociale dhe programet rehabilituese që po implementohen.
Ajo theksoi se si për gratë dhe të miturit do të ketë trajtim me programe punësimi apo programe të tjera të cilat janë të fokusuara drejt integrimit të tyre në shoqëri.
Gjithashtu, Gjonaj i inkurajoi që të vijojnë akoma të zgjerojnë artin e tyre, duke përcjellë përmes tij të gjithë reflektimin.
/a.r
