Ministrja e Punëve të Jashtme të Danimarkës, Marie Bjerre, vend që mban Presidencën e Këshillit të BE-së në fjalën e saj në Konferencën për shtyp së bahsku me Kryeministrin Edi Rama dhe Komisioneren për Zgjerim Marta Kos, dha një deklaratë të qartë mbi progresin e Shqipërisë në procesin e anëtarësimit.
Ajo theksoi se Shqipëria ka arritur ritëm rekord në hapjen e kapitujve negociues.
“Shqipëria ka bërë një përpjekje të fortë për reformat dhe harmonizimin me Bashkimin Europian, prandaj negociatat po vazhdojnë me një hap të qëndrueshëm,” u shpreh Bjerre.
Ministrja kujtoi se grupkapitulli i parë u hap në shtator 2024, dhe brenda vetëm një viti janë hapur të gjithë grupkapitujt, duke e cilësuar këtë si shpejtësi rekord nën Presidencën daneze të Këshillit të BE-së.
“Ky gur kilometrik është njohje e punës së madhe që ka bërë Shqipëria drejt së ardhmes europiane,” theksoi ministrja daneze.
Sipas saj, raporti i fundit i zgjerimit nga KE tregon se Shqipëria vazhdon të ecë përpara në reformën në drejtësi dhe luftën kundër korrupsionit, ndërsa përmbushja e “pikëtave të ndërmjetme” po përgatit terrenin për të hapur dhe mbyllur kapitujt negociues me ritëm të shpejtë.
“E inkurajoj Shqipërinë të nxisë dialog gjithëpërfshirës politik. Zgjerimi është përparësi e Presidencës daneze,” përfundoi Bjerre.
Do futemi në BE me 100€ pension në muaj dhe me 40€ për shtresat në nevojë! Hahaha! Çfarë sarkazme therrëse dhe sa turp!Si nuk i skuqet faqja asnjë deputeti(majtas dhe djathtas),si nuk futen dhe të mos dalin më në publik këta ministra hajdutë,kriminelë,të pashpirt,që tallen me mjerimin migjenian të popullit të varfër! Kurrë s’ka patur historia e popullit shqiptar,një grup tradhtarësh,manipulatorësh,gangsterësh…si kjo qeveri që drejtohet nga kryetradhtari mafioz:Edi Rama! Mallkuar buka e mëmëdheut,o Tradhtar!