Ministrja e Arsimit, Besa Shahini, në sqarim të pyetjeve që i vijnë nga studentët përmes portalit “online”, theksoi se fondet për reduktimin e tarifave janë vënë tashmë në dispozicion të universiteteve.
Universitetet kanë njoftuar se do të shtyjnë afatin e caktuar për më 31 janar, për marrjen e dokumentacionit për bursat, ndërsa ministrja tha se ka pasur paqartësi kush janë përfituesit dhe si matet mesatarja.
“Ka pasur paqartësi se kush është përfitues i bursës, kush është ekselent. Merret mesatarja e vitit paraprak. Për vitin e parë merret parasysh mesatarja e maturës dhe shkollës së mesme”, tha ministrja e Arsimit. Studentët që u përkasin shtresave në nevojë duhet vetëm të paraqesin një dokument të marrë pranë pushtetit vendor, që i kualifikon për bursë.
/a.meta
