Ministria ruse e mbrojtjes ka pranuar se 1,351 ushtarë rusë kanë vdekur që nga fillimi i të ashtuquajturit “operacion special ushtarak” në Ukrainë, raporton agjencia ruse e lajmeve Interfax.
Përditësimi është i pari që kur ministria e mbrojtjes pranoi se 498 ushtarë rusë ishin vrarë në aksion dhe 1,500 ishin plagosur në fillim të marsit.
Një shifër e konfirmuar e viktimave ruse është e mbuluar nga mjegulla e luftës, por nga analistët pritet të jetë shumë më e lartë.
Zyrtarët e inteligjencës amerikane dhanë këtë javë një vlerësim “konservator” se më shumë se 7,000 ushtarë rusë ishin vrarë në luftimet në Ukrainë që nga fundi i shkurtit, një numër që do të tejkalonte numrin zyrtar të vdekjeve midis ushtarakëve rusë për dy vitet e luftës së parë çeçene, e cila mbahet mend si një fushatë veçanërisht brutale dhe e rastësishme.
Ministria shtoi se Rusia do të vazhdojë me operacionin e saj derisa të arrijë objektivat e vendosura nga Presidenti Vladimir Putin, raportoi RIA.
/b.h
