Ministria e Brendshme njofton se zyrat e aplikimit për kartat ID dhe pasaporta do të jenë të hapura edhe këtë të shtunë (datë 30 janar 2021).
Ministria e Brendshme me këtë njoftim fton të gjithë qytetarët që u ka përfunduar afati i vlefshmërisë së kartave të identitetit apo pasaportës, të kryejnë sa më parë procedurat për rinovimin e saj.
“Gjithashtu njoftojmë qytetarët që kanë aplikuar përgjatë vitit 2019 dhe 2020 dhe nuk kanë mundur të tërheqin ID kartat, të paraqiten pranë zyrave të aplikimit, pasi afati për nxjerrjen jashtë përdorimit të tyre është shtyrë deri në fund të prillit 2021”, thuhet më tej në njoftim.
NJOFTIM – ZYRAT E APLIKIMIT PËR ID KARTA E PASAPORTA TË HAPURA EDHE TË SHTUNËN
Ministria e Brendshme njofton qytetarët se të gjitha zyrat e aplikimit për karta ID dhe pasaporta janë të hapura edhe nesër, datë 30 janar 2021.
MB fton qytetarët që u ka përfunduar afati i vlefshmërisë së kartave të identitetit, të kryejnë sa më parë procedurat për rinovimin e saj.
Rikujtojmë se riaplikimi për ID kartë mund të bëhet në çdo zyrë, pavarësisht vendbanimit.
Gjithashtu njoftojmë qytetarët që kanë aplikuar përgjatë vitit 2019 dhe 2020 dhe nuk kanë mundur të tërheqin ID kartat, të paraqiten pranë zyrave të aplikimit, pasi afati për nxjerrjen jashtë përdorimit të tyre është shtyrë deri në fund të prillit 2021.
