Në disa media u raportua sot se një paciente ka ndërruar jetë tek Infektivi i Tiranës si pasojë e koronavirusit.
Por Ministria e Shëndetësisë dhe Mbrojtjes Sociale informon se lajmi nuk është i vërtetë. Për të tretën herë radhazi, ministria rrëzon kështu disa raportime duke sqaruar edhe rastin e sotëm:
Gjatë ditës së ndërruar jetë në spitalin infektiv një 62-vjeçare si pasojë e një sëmundje të rëndë kronike të pankreasit, me vdekshmëri shumë të lartë: pankreatiti nekrotizant. 62-vjeçarja që vuante edhe nga kanceri dhe astma bronkiale, është sjellë ditën e djeshme në gjendje të rëndë nga spitali i Shkodrës, ku rezultoi bartëse e COVID19, por pa shenja klinike të sëmundjes.
Referuar shërbimit infektiv, 62-vjeçarja nuk ka ndërruar jetë si pasojë e COVID19, pasi ishte asimptomatike për këtë sëmundje, por si pasojë e sëmundjes së rëndë të pankreasit.
Ministria e Shëndetësisë informon se do të mbajë të informuar publikun për çdo zhvillim, ndaj lutemi t’I referoheni njoftimeve zyrtare.
/a.r
