Ministria e Punëve të Jashtme dhe Mbrojtjes së Qytetarëve të Greqisë u ka bërë thirrje grekëve që kanë ardhur në fshatin Bularat për të marrë pjesë në varrimin e ekstremistit grek Konstantinos Kaçifas që të tregojnë përmbajtje dhe respekt.
“Shtetasit grekë që shkojnë në Bularat janë të lutur që të vetëpërmbahen dhe të tregojnë respekt për familjen dhe ceremoninë.”, deklaroi Ministria e Punëve të Jashtme dhe Mbrojtjes së Qytetarëve
Ceremonia e varrimit të 35-vjeçarit Kaçifas do të mbahet ditën e sotme rreth orës 13:00 dhe do të paraprihet nga një meshë që do të mbahet nga peshkopi i Gjirokastrës. Ndërkohë që në Bularat kanë mbërritur autobusët e parë me grekë, disa prej të cilëve mbajnë veshur flamuj të Vorio Epirit.
a.ç
