Kina po zbaton politikën e njëanshme pa viza për 29 vende, përfshirë Francën dhe Gjermaninë, si pjesë e përpjekjeve për të nxitur udhëtimet ndërkombëtare, tha të premten një zyrtar i Ministrisë së Punëve të Jashtme.
Vendi ka realizuar heqjen e plotë të vizave me 25 vende, tha Tong Xuejun, një zyrtar i departamentit konsullor të ministrisë, në një konferencë shtypi mbi masat për promovimin e tregtisë së jashtme.
Në nëntor 2023, ministria njoftoi një provë të njëanshme të hyrjes pa viza, për mbajtësit e pasaportave të zakonshme nga Franca, Gjermania, Italia, Hollanda, Spanja dhe Malajzia, duke filluar nga 1 dhjetori 2023.
Sipas kësaj politike, individët e kualifikuar mund të hyjnë në Kinë, pa pasur nevojë të aplikojnë paraprakisht për vizë, me qëndrime të lejuara deri në 15 ditë për biznes, turizëm, vizita familjare ose thjesht tranzit.
Kina ka zgjeruar politikën e provës në grupe të ndryshme.
Tong gjithashtu theksoi masat për të thjeshtuar procesin e aplikimit për vizë. Ai përmendi se si një ulje prej 34% e kërkesave në formularin e aplikimit për vizë, ka shkurtuar ndjeshëm kohën e nevojshme për të përfunduar dokumentacionin, tha Tong.
Kina hoqi në të gjitha ambasadat e saj takimet para aplikimit për vizë, zgjeroi përjashtimin e marrjes së shenjave të gishtave dhe uli tarifat e vizave me 25%, tha Tong.
Në tremujorin e tretë të 2024, Kina regjistroi 8.19 milionë udhëtime hyrëse nga të huajt, një rritje prej 48.8%, krahasuar me të njëjtën periudhë të vitit të kaluar. Midis tyre, 4.89 milionë janë bërë përmes marrëveshjeve pa viza, 78.6% më shumë nga viti në vit, sipas zyrtarit.
Ministria do të vazhdojë të përmirësojë politikën e hyrjes pa viza, për të lehtësuar udhëtimin ndërkufitar, veçanërisht për ata që merren me aktivitete biznesi, tha Tong.
