Referendumet e organizuara nga Rusia për të aneksuar 4 rajone në Ukrainë nuk do të njihen nga Shqipëria.
Ministria jonë e Jashtme thotë se rezultatet e paracaktuara nga këto referendume të rreme nuk do të njihen.
“Shqipëria dënon referendumet e rreme të organizuara nga Rusia në Ukrainë dhe nuk do të njohë rezultatet e tyre të paracaktuara. Çdo aneksim i territorit të një shteti nga një shtet tjetër, që vjen si pasojë e kërcënimeve ose nga përdorimi i forcës është shkelje e parimeve të Kartës së OKB-së dhe ligjit ndërkombëtar”, thuhet nga Ministria e Jashtme e Shqipërisë.
Presidenti rus Vladimir Putin njoftoi sot aneksimin nga Rusia të 4 rajoneve në Ukrainë.
/e.d
Ju dhe perendimi beni deklarata, ndersa Putini gllaberon teritoret e nje shteti tjeter. Per cfare Karte te OKB-s flisni, ajo ka vdekur! Bota tashme nuk ka me rregulla qe respektohen nga te gjithe, dhe ekuilibrat jane shembur. Tashme vetem Zoti e di cfare e pret planetin!