Ndërprerjet emergjente të energjisë elektrike ishin shtuar në shumicën e rajoneve të Ukrainës, pas sulmeve të fundit ruse në sektorin e energjisë së saj.
Sipas mediave të huaja, tani, Ministria e Energjisë e Ukrainës ka thënë se afërsisht gjysma e banorëve të kryeqytetit po përjetojnë ndërprerje të energjisë elektrike.
“Situata në Kiev mbetet një nga më të vështirat. Aktualisht, deri në 50% e konsumatorëve të kryeqytetit janë pa energji elektrike në të njëjtën kohë. Po ashtu, janë në fuqi orare ndërprerjet çdo orë”, tha ministria në Telegram.
Po ashtu Ministria bëri të ditur se ndërprerjet e emergjencës janë një “masë parandaluese e detyruar, por e kontrolluar” që ndihmon në shmangien e një ndërprerjeje të energjisë në të gjithë qytetin.
Punonjësit e energjisë po bëjnë “gjithçka të mundshme” për të rivendosur energjinë elektrike sa më shpejt të jetë e mundur, shtoi Ministria.
