Nëse ligjvënësit shqiptarë janë të parët që i shkelin ligjet, atëherë të gjithë qytetarëve i lind e drejta ti shpërfillin ato.
Skandali me deputetin e Partisë Demokratike Gent Strazimiri që u paraqit sot në publik me pistoletë në brez, është rasti më flagrant.
Kjo pasi, ligji për posedimin e armëve është shfuqizuar dhe deputeti duhet ta dorëzojë atë.
Për këtë Strazimiri duhet të arrestohet, për një ligj të cilin e ka votuar vetë, në Kuvendin e Shqipërisë, dhe që parashikon minimalisht 7 vite burg.
Në fakt Ministria e Brendshme është mjaftuar vetëm me një kërkesë ndaj Strazimirit, të cilin i bën thirrje që duhej të dorëzonte armën brenda datës 25 mars 2016, ndërkohë që duhej, të kishte zbatuar thjesht ligjin, duke vepruar për arrestimin e tij.
Sipas dokumenteve të policisë shqiptare, Strazimiri ka pasur dikur një pistoletë me leje, në kohën që ka qenë zëvendësminsitër i brendëshëm, por ligji nr 73 /1914, “Për armët” e ka shfuqizuar të drejtën e tij për të mbajtur armë.
Dëshmitë përtej fotove dhe videove nga protesta tek Liqeni dëshmojnë se Strazimiri ishte i armatosur.
Pak më vonë ai e pranoi dhe vetë se ishte i armatosur duke bërë analogji se PS ka Prengën e armatosur./DITA
