Ministri Tahiri takim me ambasadorët e BE
Ministri i Brendshëm Saimir Tahiri ka zhvilluar sot një takim me ambasadorët e Bashkimit Europian.
Pas përfundimit të takimit, Ministri Tahiri ka dhënë një prononcim të shkurtër për mediat, ku deklaroi se ka biseduar me ambasadorët për një sërë prioritetesh të Ministrisë së Brendshme. “Patëm mundësi të bisedonim me ambasadorët për një sërë çështjesh, prioritete të Ministrisë së Brendshme në kuadër të luftës kundër krimit të organizuar kundër trafikut dhe tërë prioritetet në tërësi. Për ngritjen e byrosë së hetimit dhe luftën kundër parasë kriminale”, tha Tahiri. I pyetur nëse mori ndonjë kritikë nga ana e ambasadorëve Tahiri tha “Mund të pyesni po nuk besoj”. Një takim i ngjashëm i Ministrit Tahiri me ambasadorët ka ndodhur një vit më parë, para 3 ditë para operacionit në Lazarat. Ndërkohë që takimi vjen edhe pak ditë pas dëshmisë së një ishshefi policie të shkarkuar dhe të akuzuar për shpërdoprim detyre. Dritan Zagani akuzon familjarë të ministrit Tahiri se luajnë trafiqet e drogës në qytetin e Vlorës.
