Ushtria turke do të vazhdojë luftën kundër grupit xhihadist Shteti Islamik (ISIS) dhe do të dalë më e fuqishme pas riorganizimt që po bëhet pas puçit të dështuar, theksoi sot shefi turk i diplomacisë, Mevlut Cavusoglu.
Këto deklarata të Cavusoglu erdhën pasi gjenerali amerikan, Joseph Votel, komandant i operacioneve të Pentagonit në Lindjen e Mesme, i cituar nga media amerikane, kishte lënë të kuptohej dje në mbrëmje se trazirat në Turqi mund të prekin rolin e saj në koalicionin ndërkombëtar që lufton kundër xhihadistëve.
Ushtria turke është aktualisht e angazhuar në një luftë kundër ISIS-it por gjithashtu edhe kundër rebelimit kurd të Partisë së Punëtorëve të Kurdistanit (PKK).
