Ministri japonez i Punëve të Jashtme, tashmë mjaft i angazhuar me testet balistike dhe ato bërthamore të Koresë së Veriut, po kalon një tjetër shqetësim, kritikat e babait të tij, një politikan i njohur në pension.
Taro Kono, i emëruar një muaj më parë në postin e kreut të diplomacisë japoneze në qeverinë konservatore të Shinzo Abes, po jep kontributin së bashku me kryeministrin për të nxitur komunitetin ndërkombëtar për të rritur presionin ndaj Phenianit për të hequr dorë nga programi i tij i zhvillimit të armëve atomike.
”Nuk jam plotësisht i kënaqur nga ajo që po bëhet në planin politik”, u shpreh dje në prani të gazetarëve babai i Taros, Yohei Kono, ish-sekretar i përgjithshëm i qeverisë, që në 1993 u spikat nga një akt i paprecedentë historik, atë të të kërkuari ndjesë ndaj grave të shfrytëzuara seksualisht me forcë në shtëpitë publike të ushtrisë japoneze gjatë Luftës së Paqësorit.
Kono kishte fituar një mirënjohje të lartë kryesisht në Korenë e Jugut.
Sipas babait të tij, Taro nuk ka bashkëpunuar sa duhet me fqinjët aziatikë përballë Koresë së Veriut./ b.d
