Në Shqipëri ka mbërritur për një vizitë zyrtare Ministri i italian i Drejtësisë Andrea Orlando. Gjatë ditës së sotme ai u takua me kryeminsitrin Rama dhe homologen Etilda Gjonaj, me të cilën nënshkruan një memorandum bashkëpunimi në fushën e gjyqësorit. Lidhur me çështjen negociatave, misnitri italian deklaroi se ekzistojnë të gjitha kushtet, por sipas tij do shihet progresi dhe rezultatet e reformës në drejtësi muajt në vijim.
“Ne mendojmë zgjedhjen që ka bërë Shqipëria për reforma ambicioze, dhe kjo përkon me ato hapa për çeljen e negociatave. Do të jetë shumë me rëndësi se çfarë rezultatesh do japë reforma brenda 6 muajve të parë të vitit që vjen. Nuk na takon ne të caktojmë një datë por ezksizotjnë të gjitha parakushtet për hapjen e këtij procesi”, deklaroi Orlando.
Ai zbuloi se së bashku me Gjonajn i kanë adresuar Komisionit Europian një letër të përbashkët pas nënshkrimit të memorandumit.
“Italia mbështet fuqimisht procesin e integrimit të Shqipërisë në BE. Besoj se ky memorandum shërben për t’i dhënë një mesazh të fortë Komisionit dhe organizame të tjerë të BE. Zbatimi i memorandumit do jetë shans për t’i dhënë llogari BE-së për përparimin që Shqiëpria do të bëjë muajt në vijim. Me zonjën ministre që na mirëpriti nga një delegacion që përbëhej vetëm nga gratë, do shkruajmë një letër të përbashkët që i adresohet Komisionit, sepse nuk ka të bëjë vetëm me vendet e tjera, por që ka të bëjë edhe me vëmendjen që i kushton Italia integrimit të vendeve të Ballkanit. Ne jemi shumë të interesuar të fillojmë me implementimin e marrëveshjes”, vijoi minsitri Orlando.
Ai u pyet edhe për çështjen Tahiri për të cilën nuk preferoi të japë ndonjë qëndirm, duke theksuar se i takon organeve të drjetësisë të hetojnë.
“Nuk komentoj aksionet e masgjistraurës italiane e aq më pak ato të drejtësisë shqiptare. Detyra jonë është të detyrojmë që informacionet mes magjistraturave të zhvillohen në mënyrë sa më të mirë, jo të gjykojmë në vend të gjyqtarëve apo të heotjmë në vend të prokurorëve. Nuk duhet të bëjmë detyrën e tyre”, deklaroi Orlando.
Nga ana e saj, ministrja Gjonaj theksoi vullnetin e palëkundur të qeverisë shqiptare për të çuar përpara Reformën në Drejtësi. “I jemi mirënjohës qeverisë së Italisë për mbështetjen që i ka ofruar Shqipërisë”, tha Gjonaj, ndërsa specifikoi se çfarë parashikon ky memorandum bashkëpunimi.
“Qeveria italiane ka dhënë kontribut edhe gjatë hartimit të reformës në drejtësi. Ky memorandum, ajo që e konkretizon, është fusha e legjislacionit të paktës së tretë të reformës në drejtësi, avokatia, përmbarimi dhe jo vetëm, pasi duhet një bashkim forcash për zbatimin e reformës dhe ngritjen e institucioneve të reja pas Vettingut. Nevojitet edhe një bashkëpunim i ngushtë në aspektin e legjislacionit procedural dhe penal. Modelet që ne kemi për kodet, viijnë nga modelet e kodeve italiane. Për zbatimin e drejtësisë, marrëveshja përfshin bashkëpunim legjislativ dhe institucional, për drejtorinë e burgjeve me staf civil dhe jo policor si dhe shërbimi i provës. Marrëveshja parashikon ndihmë të ndërsjellë të gjyqësorit për rastet e ekstradimeve”, tha Gjonaj.
