Ministri i Mjedisit, Lefter Koka. zhvilloi një takim në Bundestagun gjerman me Ministren Federale për Mjedisin, Barbara Hendricks dhe me Komisionin për Mjedisin në Parlamentin Gjerman. Në takim ministri Koka e njohu ministren gjermane me nismat që ka marre qeveria shqiptare për mjedisin. “Qeveria shqiptare ka ndërmarrë shumë reforma në mjedis, duke e sjellë kështu këtë sektor dikur të harruar, tashmë në qendër të opinionit publik”, theksoi Koka.
Zonja Hendriks u shpreh se Gjermania është mëse e gatshme të ndihmojë Shqipërinë për të zgjidhur disa nga problematikat që ka në fushën e mjedisit dhe ofron specialistët më të mirë për të dhënë asistencën e tyre në çështje të caktuara.
ATSH
