Ministri i Jashtëm turk Hakan Fidan u tha homologëve të tij myslimanë se Izraeli do ta çonte rajonin në “shkatërrim total” me sulmet e tij ndaj Iranit, duke shtuar se fuqitë botërore duhet të parandalojnë që lufta të përshkallëzohet në një konflikt më të gjerë.
Duke folur në konferencën e ministrave të jashtëm të Organizatës së Bashkëpunimit Islamik në Stamboll, Fidan u bëri thirrje vendeve myslimane të mbështesin Iranin kundër Izraelit, duke thënë se rajoni ka një “problem me Izraelin” pas sulmeve të tij në Gaza, Liban, Siri, Jemen dhe Iran.
Fjalët e ministrit të Jashtëm turk vijnë pas më shumë se 1 javë luftime mes Izraelit, me viktima nga të dyja palët.
Kujtojmë se dje ministri i Jashtëm iranian, Abbas Argahchi u taku me homologët e tij europianë për të diskutuar se mund të gjejnë një zgjidhje për t’i dhënë fund konfliktit.
