Ministri i Jashtëm i Serbisë Ivica Daçiç deklaroi orët e fundit te TANJUG se nëse të gjitha shtete evropiane do të mbyllin kufijtë, Serbisë tashmë do i duhet të vendosë vetë për kufijtë e saj. Asaj i duhet të bashkëpunojë me Maqedoninë për krizën e refugjatëve dhe përpjekjen e tyre për të kaluar në kohët në vazhdim.
“Ajo premton t’i trajtojë në mënyrë të qytetëruar por nuk do pranojë të përdoret si një qendër kolektive për emigrantët që nga ana tjetër nuk do lejohen të lëvizin më në Evropë”. Ky ishte thelbi i fjalës së tij në konferencën vjetore të Ministrave të Jashtëm mbajtur në Gjermani organizuar nga Instituti Aspen. Për më tepër, kur vjen puna te emigrantët, ai ka thënë se: Edhe BE-ja tani nuk ka më një zë të përbashkët.
Kujdes, nëse nuk zbatoni marrëveshjet, do ketë destabilizim
Ndërkohë Daçiç u është kundërpërgjigjur në të njëjtin aktivitet edhe deklaratave të Ministrit të Jashtëm Thaçi dhe homologut të tij shqiptar Bushati, se Serbia bëri një fushatë agresive për mospranimi e Kosovës në UNESCO.
“ Po. Unë reagova se Kosova fillimisht duhet të vendosë së pari nëse do të implementojë marrëveshjet e Brukselit”, tha ai.
“Duke mos respektuar detyrimet për të cilat është rënë dakord edhe nga ndërmjetësimi i prezencës së komunitetit ndërkombëtar është ajo që po sjell destabilizimin në rajonin tonë”.
Nga ana tjetër, Serbia u shfajësua se nuk ka ndërmarrë as edhe një fushatë agresive por vetëm ka theksuar kërkesën jo legale të Kosovës që të futet në sistemin e OKB-së, pasi nuk është e njohur nga OKB-ja, ka këmbëngulur ai.
