Dyshimet se mes mijëra emigrantëve që vijnë në Evropë nga Siria mund të ketë terrorist të ISIS kanë shtuar frikën e autoriteteve. Që nga sulmet Parisit, janë rritur shqetësimet se militantë islamikë mund të kenë hyrë në Evropë së bashku me refugjatët.
Europa duhet të rimarrë kontrollin e kufijve të saj, ka thënë ministri i Jashtëm gjerman, FrankËalter Steinmeier, pas raporteve se pasaporta të falsifikuara siriane ndodhen në duart e militantëve të Shtetit Islamik (IS).
“Është e rëndësishme që të kemi më shumë kontroll ndaj atyre që hyjnë dhe dalin në Evropë”, ka thënë Steinmeier për mediat gjermane.
Mbi një milion refugjatë, shumica të ikur nga lufta dhe dhuna në Lindjen e Mesme, kanë arritur në Gjermani këtë vit.
Mediat gjermane kanë cituar ministrin e Brendshëm të rajonit të Bavarisë të ketë thënë se refugjatë me pasaporta false të Sirisë janë zhdukur në Gjermani dhe se ka aryse për dyshim se ata mund të kenë kontakte me grupin ekstremist Shteti Islamik.
Bashkimi Evropian ka thënë këtë muaj se do të trefishojë shpenzimet për mbrojtjen kufitare dhe se do të krijojë një forcë të re, prej 1,500 trupash, për reagim të shpejtë.
