Kryeministri Edi Rama ka pritur paraditen e së premtes ministrin e Brendshëm francez Gerard Collomb, ndërsa detajet nga biseda janë bërë publike në një konferencë të përbashkët për mediat.
Në fjalën e tij, Rama tha se tashmë ka një dinamikë të re në marrëdhëniet Shqipëri-Francë ndërsa shprehu mirënjohjen për mbështetjen që Parisi i ka ofruar vendit tonë në disa sektorë.
“Ju falenderoj juve personalisht dhe dikasterin që drejtoni për mbështetjen që na keni dhënë në luftën kundër krimit dhe emigracionit të paligjshëm” – tha kreu i ekzekutivit shqiptare.
Kryeministri tha se azilkërkimi është një rrugë pa krye që në fund ka edhe kosto financiare individuale për ata që kthehen.
Sipas kreut të ekzekutivit, Shqipëria do të vijojë me të njëjtin vullnet për të vendosur gurët e themelit të shtetit të së drejtës.
“Ne jemi të bindur se e vetmja rrugë për të garantuar lëvizjen e lirë në tregun e punës është rruga e reformave, e negociatave dhe integrimit të plotë në BE” – tha Rama.
Nderkohë në fjalën e tij, Gerard Collomb u shpreh se muajt e fundit sheh rezultate të arritura nga Ministria e Brendshme e Shqipërisë.
Ai tha se në Francë 20% e azilkërkuesve janë shqiptarë. Por Collomb theksoi se ka një përforëcim marrëdheniesh me homologun e tij shqiptar.
“Para disa muajsh pata takuar ministrat tuaj. Kemi biseduar për çështjen e azilkërkuesve dhe bandave kriminale.
Jemi të kënaqur me progresin dhe rezultatët e arrituara muajt e fundit. I pata premtuar ministrave tuaj se kisha dëshirë të vija në Tiranë.
Bisedova gjatë më ministrin Xhafaj, qoftë për azilkërkuesit. 20% e vendeve të pritjes në Francë për azilkërkuesit e zënë shqiptarët. Kjo është një çështje delikate. Kemi bashkëpunim të mirë edhe në luftën kundër krimit të organizuar. Bashkëpunimi mes dy vendeve është i lavdërueshëm. Krimi i organizuar është një problem global tashmë” – tha ministri i Brendshëm i Francës.
***
Collomb për integrimin në BE
Konstatojmë përpjekjet që këni bërë përsa i përket integrimit, megjithëse lufta politike është e ashpër, ashtu siç edhe në Francë, por ju synoni diçka të përbashkët, integrimin në BE. Macron ka deklaruar se BE nuk mund t’i lërë jashtë unionit vendet e Ballkanit. Kemi kuptuar dëshirën tuaj për të reformuar vendin dhe besoj se do e arrini këtë. Reformat duan kohë, por duhet të ecni përpara. Do të vazhdojmë të punojmë së bashku.
Collomb për negoicitata
Në një qeveri nuk është vetëm ministri i Brendshëm, është presidenti Francez që vendos. Fakti që e përmendi Shqipërinë para disa kohësh, tregon një drejtim. Vullneti i Shqipërisë tuaj për të vazhduar është një ogur i mirë dhe ne do ju shoqërojmë në këtë proces.
