Në një konferencë të përbashkët për shtyp me kryeministrin Edi Rama, ministri i Punëve të Jashtme të Hungarisë Peter Szijjarto deklaroi se ka ardhur momenti që të gjitha vendet e Ballkanit Perëndimor të jenë pjesë e Bashkimit Evropian. Teksa theksoi se procesi i zgjerimit ka qenë i ngadaltë, tha se Shqipëria ka bërë progres të shkëlqyer.
Sipas Szijjarto, në vetëm dy muaj është bërë më shumë se sa në 15 vite diskutime me unionin. Përpos punës së vazhdueshme të vendeve të rajonit në përmbushjen e detyrave, ia dha atributet presidencës hungareze në BE.
Nën presidencën hungareze kemi arritur ta përshpejtojmë. I kuptojmë shumë mirë shqetësimet e rajonit. Kemi pritur për akses për gati 50 vite dhe kjo nuk është diçka e duhur, ne u detyrohemi njëfarë respekti këtyre vendeve dhe ky proces i ka pasur datat e shtyra në mënyrë konstante. Në 15 vite nuk kemi parë marrjen e masave apo hapa drejt zgjerimit. Prandaj ne duam që vendet e BP tashmë të jenë pjesë e BE-së. Në 6 muajt e fundit, ne kemi bërë të gjitha përpjekjet tona për të përshpejtuar procesin drejt zgjerimit. Që nga viti 2009 Shqipëria ka paraqitur kërkesën, në 2022-in filluan negociatat dhe themeli i negociatave filloi vetëm këtë vit, nën presidencën hungareze.
Dy grup-kapituj janë hapur dhe kjo shpejtësi është e paprecedentë. Më shumë kanë ndodhur në 2 muaj se sa në 15 vite. Shqipëria ka treguar progres të shkëlqyer, për të 6-të kapitujt, si për marrëdhëniet me jashtë për sigurinë…Ndaj po e hapim këtë grup kapitull sot, në mënyrë që Shqipëria të ecë përpara sepse është vend i NATO-s dhe pjesë e Këshillit të Sigurimit”, deklaroi ai.
Sot në Bruksel u mbajt Konferenca e Tretë Ndërqeveritare Shqipëri-BE, një tjetër moment tejet i rëndësishëm që shënon një hap më shumë drejt anëtarësimit të vendit.
Faleminderit presidences hungareze, jane deshmuar miq te vertete!