Kryetari i Partisë Bashkimi për të Drejtat e Njeriut vangjel Dule ka reaguar pas deklaratave me tone kërcënuese të Ministrit të Mbrojtjes të Greqisë Panos Kammenos.
Dule tha se kjo deklaratë duhet parë si politikie dhe jo si kërcënim. Sipas tij, këto deklarata nuk mund të prishin miqësinë shqiptaro-greke.
“Më shumë se kurrë, kur ka deklarata që mund të kalohen vijat tradicionale, dëshmohet se miqësia mes dy popujve është e pandikuar nga politikanët. Nuk ka popuj si ne, me fije kaq të shumta miqësie. Ky është angazhimi im dhe i PBDNJ-së për forcim marrëdhëniesh”,- tha Dule.
Dule nuk i ka kursyer akuzat për kryeministrin Rama, teksa tha se po tenton që të zbeh rolin e Greqisë, duke shtuar se ajo është avokate e Shqipërisë për në NATO dhe BE.
“Në BE nuk veprohet në mënyrë të njëanshme. Uroj të kemi vendim në dobi të vendit tonë, edhe pse si kemi kryer detyrat e shtëpisë në nivelin e duhur. Rilnidja reflekton qëndrimet individuale të Ramës”, tha ai./a.m.
