Ministri i shtetit për Çështje Europiane në Ministrinë e Jashtme gjermane, Michael Roth vlerëson reformat e qeverisë shqiptare.
Gjatë vizitës që zhvilloi në Shqipëri, ministri gjerman zhvilloi një takim me kryeministrin Edi Rama.
Në një postim në twitter, ai u shpreh se qeveria ka bërë shumë përsa i përket reformave në Shqipëri ndërsa shprehu mbështetjen e Gjermanisë.
“Takim me të vërtetë i mirë me kryeministrin Edi Rama. Përpjekjet e reformave të vazhdueshme të qeverisë po ecin shumë mirë dhe i mirëprita ato. Duhet bërë shumë më tepër. Le të vazhdojmë. Ju mund të mbështeteni tek ne!”, është shprehur Michael Roth. /b.d
