Ministri Cani / Informaliteti është në masën 50%, në shtator nis aksioni
Ministri i Financave, Shkëlqim Cani, ka dalë sot në një konferencë me gazetarët, ku foli për fushatën kundër informalitetit që pritet të nisë në shtator nga ana e qeverisë.
Cani u shpreh se përgjithësisht të ardhurat kanë pësuar rritje, ndërkohë që deklaroi se informaliteti është 50%. Ai e tha këtë duke argumentuar se para 2013 ky nivel ishte edhe më I lartë.
Në Shqipëri tha ministri Cani ka aktualisht 100 mijë biznese aktive. Rreth 33% e biznesit është e pafiskalizuar, dhe niveli i informaliteti është tek 50% vijoi ai. Ky aksion synon rritjen e të ardhurave që do të ndihmojë qeverinë në disa drejtime.
Ministri u shpreh se ajo që synohet me fushatën e shtatorit që do nisi kundër informalitetit, është kryesisht biznesi i vogël. Cani u shpreh se biznesi i vogël duhet të përdorë kasën fiskale, të japë kuponin tatimor dhe të bëjë verifikimin e produkteve.
