Ka rreth 4,000 variante të virusit që shkakton COVID-19 në të gjithë botën tani kështu që të gjithë prodhuesit e vaksinave duke përfshirë Pfizer Inc dhe AstraZeneca Plc po përpiqen të përmirësojnë vaksinat e tyre, tha ministri britanik Nadhim Zahawi, sipas The Guardian.
”Është shumë e vështirë që vaksina aktuale të mos jetë efektive në variantet qoftë Kent apo variante të tjera, veçanërisht kur bëhet fjalë për sëmundje të rënda dhe shtrim në spital. Të gjithë prodhuesit, Pfizer-Biontech, Moderna, Oxford-AstraZeneca dhe të tjerët po shikojnë se si mund të përmirësojnë vaksinën e tyre për t’u siguruar që ne jemi gati për çdo variant, ka rreth 4,000 variante në të gjithë botën e Covid tani.”- tha ai.
Duke folur në Sky News, ministri i vaksinave në Mbretërinë e Bashkuar është përpjekur të sigurojë banorët e Mbretërisë së Bashkuar të cilët kanë marr vetëm një dozë të vaksinës anti-COVID Pfizer, pasi disa studime sugjeruan se mund të jetë më pak efikase ndaj varianteve të reja.
Ai tha se rregullatori i vaksinave në Mbretërinë e Bashkuar, MHRA, dhe të gjithë zyrtarët kryesorë mjekësorë të MB kishin parë “plotësisht” të gjitha të dhënat dhe se në 15 -21 ditë, doza e parë dha “mbrojtje shumë të lartë”.
Zahawi tha se qeveria e Mbretërisë së Bashkuar po kërkon të “hapë gradualisht ekonominë” në javën e parë të Marsit.
Ai tha se një “udhërrëfyes” për hapjen e shkollave do të diskutohet nga parlamenti në 22 shkurt.
g.kosovari
