Ministrat e votuar dje në Kuvend si dhe zv.Kryeministri Erjon Braçe janë paraqitur ditën e sotme në Presidencë.
Ceremonia zyrtare nisi me Himnin e Flamurit, ndërsa i pari që bëri betimin me dorën mbi Kushtetutën e vendit ishte numri dy i Qeverisë, Erion Braçe.
Pas tij, me radhë bënë betimin ministrja e Financave, Anila Denaj; ministrja e Transportit dhe Energjisë, Belinda Balluku; ministrja e Arsimit, Besa Shahini; ministri i Bujqësisë, Bledi Çuçi; ministrja e Kulturës, Elva Margariti; ministri i Shtetit për Sipërmarrjen, Eduard Shalsi; si dhe ministrja e Shtetit për Parlamentin, Elisa Spiropali.
Ajo që ka rënë në sy, ka qenë mungesa e Edi Ramës në ceremoni, duhe të shoqëronte ministrat.
Në ceremoninë e zhvilluar në selinë e Presidencës, ministrat e rinj shoqëroheshin nga nënkryetarja e Kuvendit, Vasilika Hysi, si dhe Sekretari i Përgjithshëm i Këshillit të Ministrave, Engjëll Agaçi.
Kujtojmë se Shqipëria ndodhet në një ngërç sa i përket ministrit të Jashtëm. Ilir Meta ka refuzuar të shkarkojë Ditmir Bushatin dhe të emërojë Gent Cakajn.
Gjithashtu, Meta po vonon dekretimin e Edi Ramës si ministër të Jashtëm, formulë kjo që kryeministri e propozoi si zgjidhje të situatës politike.
/javanews/a.rada
