Deputetja e PS e qarkut Shkodër, Mimoza Hafizi, nuk ka treguar asnjë shenjë reagimi negativ, kur është pyetur nga Koha Jonë, rreth rikthimit të deputetit Tom Doshi në fushatën elektorale të PS, duke përkrahur kandidatin e këaj partie për Vaun e Dejës. “Më vjen mirë për këdo që frymëzohet nga vizioni ynë për qeverisjen vendore në Shkodër, aq sa të ofrojë mbështetje elektorale. Çdo mbështetje për fitoren e kandidates dhe listës sonë të këshilltarëve është e mirëpritur, kur nuk nënkupton kërkesa që çojnë në ujdi të fshehta nga sytë e zgjedhësve”, u shreh Hafizi, teksa u pyet për këtë shfaqje të zotit Doshi.
Gjatë fushatës në Shkodër, duket se ka një përplasje të heshtur në distancë mes Doshit dhe Metës. Ky i fundit ka qenë veçanërisht aktiv në përkrahje të Keti Bazhdarit, me prezencën e tij në shumë takime të ditëve të fundit.
