Sipas Hoxhes, “Milloshi ka bërë një zgjidhje logjike, para se të dorëzohej ka fiksuar në kokë një alibi se si do ta mbrojë veten. Përpara një procesi ai sjell provat dhe të vërtetën e tij, pranon faktin që makina është e tij, që ka njohhje me Jani Aliaj por s’pranon faktin që ka qenë në vendin e ngjarjes. Po përpiqet ti shpëtojë kësaj akuze se vrasja në bashkepunim është shumë e rëndë dhe Kodi Penal shqiptar ka një dënim shume të ashpër ndaj kësaj akuze. Dorëzimimin e ka parë si një lloj justifikimi.
Fakti që i është dorëzuar policisë ka këtë të mirë, i ka shpëtuar një rreziku që mund të ishte ekzekutuar dhe e dyta i kanë shteruar burimet .
Dëshmia e Renato Milloshit për mua do kishte vlerë të jashtëzakonshme në rast se do pranonte të kishte bashkëpunuar me organin e akuzës”, tha Hoxha.
“Seriali i hakmarrjes do vazhdojë mes grupeve Çiço-Aliaj, kanë informatorë në SHISH e Polici”
Artan Hoxxha ka zbërthyer gjithë dëshminë e dhënë nga Renato Milloshi dhe tregon një vërtetë të frikshme për dy grupet kriminale të Jani Aliajt e Elton Ciços, (i ekzekutuar), kur tha se hakmarrja mes tyre mund të vazhdojë për shkak se këto grupe janë aq të fuqishme dhe kanë para pafund që i përdorin për tu hakmarrë.
Ai tha më tej se ata janë aq të rrezikshëm sa kanë informatorë të SHISH, polici e Prokurori e dinë me saktësi lëvizjet e rivalëve.
“Është një grup i ashpër me kapacitete të mëdha financiare, janë akuzuar, janë arrestuar si të dyshuar për trafik të lëndëve narkotike. Kanë një inat dhe hakmarrje me njeri-tjetrin se kanë pasur njohje. Nëse kujtoni vrasjet në rrugën e Kavajës, apo ngjarjeve në Tropojë Nëse kanë njohje urrejtja bëhet më e fortë. Zotërojnë burime financiare të mëdha nga rrugë të paligjshme, kanë një rrjet miqësor dhe shoqëror në nivele të administratës, policisë dhe SHISH, pra të dyja palët kanë lidhje me persona që janë në SHISH, prokurori”,- tha Hoxha.
