Millosheviç: Ndeshja me shqiptarët, çështje krenarie për Serbinë!
Savo Millosheviç, zëvendëspresidenti i Federatës Serbe të Futbollit, tha për “Telegrafi.rs” se ndeshja me Shqipërinë është bërë një çështje kombëtare, ndërsa beson te një rezultat pozitiv. “Ndeshja me Shqipërinë është bërë një çështje kombëtare. Sa i përket pjesës konkurruese të ekipit tonë kombëtar, nuk mund të kualifikohemi në finalet e “EURO 2016”. Vërtet nuk e kemi më këtë mundësi, por kjo është ndeshja më e rëndësishme në këto kualifikuese. Ajo duhet të njihet dhe të pranohet si e tillë nga të gjithë lojtarët, – tha Savo, duke shtuar se presioni psikologjik do të jetë i pranishëm në të dyja palët. Ai shtoi se nuk kemi asgjë me historinë e rrethanave subjektive dhe objektive që çuan në këtë situatë (incidentet në ndeshjen e parë kualifikuese, 14 tetorin e kaluar). “Ne biseduam me lojtarët për rëndësinë e ndeshjes me Shqipërinë, për shkak se presioni psikologjik do të jetë mbi ne dhe mbi ato. Unë me të vërtetë besoj në një rezultat të mirë, jam i sigurt se djemtë do të tregojnë karakterin e vërtetë të kësaj loje,” – tha Millosheviç.
