Policia e Shtetit ka raportuar se disa persona të caktuar kanë tentuar të pengojnë në mënyrë të paligjshme dhe të dhunshme veprimtarinë normale mësimore në disa universitete të vendit, duke penguar dhe mohuar të drejtën e studentëve për të studiuar.
Në të njëjtën kohë, këta persona që kanë tentuar të cënojnë procesin mësimor, kanë konsumuar kundërvajtje administrative dhe vepra penale për të cilat do të mbajnë përgjegjësitë përkatëse, bëjnë me dije autoritetet.
Policia e Shtetit u bën thirrje studentëve, që tentojnë të përfshihen, pa u thelluar, në veprimtari të paligjshme, të veprojnë me maturi e përgjegjësi dhe të evitojnë ngarkesën me barrë shkeljesh ligjore dhe rekordesh policore që në hapat e parë të karrierës profesionale, barrë e cila mund t’u kushtojë shumë në të ardhmen e tyre profesionale.
Militante nga forumet rinore te opozites, ne perpjekje per te mbajtur ne kembe protesten e studenteve, kane kryer disa veprime duke filluar qe nga gozhdimi i deres se Fakultetit te Drejtesise, lidhje me zinxhir te dyerve, presion dhe kercenime ndaj studenteve qe donin te zhvillonin mesim, si dhe provokime te dhunshme ne universitete. /a.meta
