Izraeli ka vazhduar pandërprerë bombardimet në Gaza gjatë në disa vendndodhje të ndryshme.
Ushtria izraelite njoftoi se avionët luftarakë goditën më shumë se 200 objektiva në Gaza, të cilat besohet se janë shfrytëzuar nga Hamasi për të nisur sulmet e papritura ndaj Izraelit në fundjavë.
Bombardime të fuqishme ka patur edhe përgjatë kufirit blu me Libanin Jugor.
Ndërkohë forcat mbrojtese te Izraelit bëjnë me dije se militantet kanë nisur sulmet nga Libani drejt qyteteve ne veri te vendit. Besohet se sulmet mund jene organizuar me ndihmen e Hezbollahut. Të gjithë civilëve në zonat ku ranë sirenat iu kerkua te hyjne në vendstrehime dhe të qëndrojnë deri në njoftimin e dytë.
“Kemi raportime për 15 parashuta që kanë kaluar përmes Libanit”, është deklarata e bërë pak çaste më parë nga Forcat Izraelite të Mbrojtjes, pa dhënë më tepër detaje.
Ndërkohë numri i viktimave të konfliktit nga të dyja palët i ka kaluar 2100. Autoritetet shëndetësore të Gazës kanë njoftuar për të paktën 30 viktima të tjera nga sulmet gjatë natës.
Po ashtu, në territorin izraelit pak kilometra larg kufirit, janë gjetur ditën e sotme dhjetëra trupa të pajetë .Mes banesave të djegura dhe mbetjeve të bombardimeve janë gjetur kufoma civilësh dhe militantësh të Hamasit./m.j
