Sipërmarrësi miliarder, Elon Musk premtoi sot se do të ndërtonte baterinë më të madhe litium-jon në botë për të ruajtur energjinë e rinovueshme në Australi brenda 100 ditëve ose ta ofronte falas.
Shefi i kompanisë së prodhimit të makinave elektrike “Tesla Motors” tha se do të ndërtonte një bateri të sistemit 129 megavat në orë për të ruajtur energjinë e prodhuar nga kompania franceze e erës “Neoen Hornsdale Wind Farm “, që është aktualisht në ndërtim e sipër, si pjesë e një projektit për të mbështetur rrjetin elektrik në shtetin e Australisë Jugore.
Duke folur në Adelaide së bashku me liderin e shtetit, kryeministrin, Jay Weatherill, Musk tha për gazetarët se projekti nuk ishte “një përplasje e vogël në kufi”.
“Sigurisht që ka rrezik, sepse ky do të jetë instalimi më i madh i baterive në botë me një diferencë të konsiderueshme, bateria e ardhshme më e madhe në botë është 30 megavat”, tha Musk.
Bateria e sistemit 129 megavat në orë, që do të instalohet brenda këtij viti, do të jetë mjaft e madhe për të furnizuar me energji 30 000 shtëpi dhe të sigurojë energji rezervë në situata emergjente.
Politikat energjetike të qeverisë u kritikuan shumë pas ndërprerjes së energjisë elektrike në të gjithë vendin në shtator, si pasojë e një stuhie.
Sipas kryeministrit, Malcolm Turnbull goditja agresive e stuhisë ka shkatërruar linjat e transmetimit dhe infrastrukturën tjetër kritike, duke lënë 1,7 milionë banorë pa energji elektrike për ditë me rradhë.
Gjithashtu, në shkurt dhe në mars, Australia Jugore u përball me reduktimet e planifikuara të energjisë, të njohura si shkarkimi i ngarkesës, pasi nuk kishte energji të mjaftueshme për të përmbushur kërkesat.
“Jetëgjatësia e baterive është e ardhmja e tregut kombëtar të energjisë”, tha Weatherill.
Në mars, qeveria njoftoi se jetëgjatësia e baterive ishte një pjesë e rëndësishme e planit të saj që përfshin zotërimin dhe operimin e një impianti me gaz 250 megavat.
Kjo do të transformojë plotësisht mënyrën në të cilën ruhet energjia e rinovueshme dhe gjithashtu do të stabilizojë rrjetin e Australisë Jugore dhe do të influencojë në uljen çmimeve”, tha sot Weatherill.
Musk tha se bateria do të jetë një përmirësim themelor i efikasitetit për rrjetin.
Ian Lowe, profesori i Shkencës, Teknologjisë dhe Shoqërisë në universitetin “Griffith” në Queensland, tha se ruajtja me kosto efektive e energjisë elektrike ishte “i vetmi problem që na pengonte për të shfrytëzuar energjinë diellore dhe të erës.
“Ky projekt është një nismë e rëndësishme për të demonstruar planin e jetëgjatësisë në shkallë të gjerë”, tha ai gjatë një deklaratë për shtyp.
Sankar Bhattacharya, shefi i Departamentit të Inxhinierisë Kimike në universitetin “Monash”, tha se ishte “një zbulim thelbësor në shpërndarjen e teknologjisë së baterisë”.
“Funksionimi i tij do të hedhë dritë mbi tekniko-ekonominë dhe do të identifikojë mundësitë për përmirësime pasi përmasat e baterive do të jenë më të mëdha në një të ardhme të afërt” tha ai./b.d
