Gjermania ka thyer rekord në eksportin e armëve në vitin 2021. Totali arrin në 9.04 miliardë euro.
Sipas Agjencisë gjermane të lajmeve (DPA), Ministria gjermane e Ekonomisë i ka dhënë përgjigje pyetjes së parlamentarëve të Partisë së Majtë duke deklaruar se qeveria këtë vit ka miratuar shitjen e armëve dhe pajisjeve ushtarake me një vlerë rreth 9.04 miliardë euro.
Rekordi i mëparshëm ishte në vitin 2019 me 8.02 miliardë euro, shkruan AA.
Në përgjigjen e dhënë thuhet se Egjipti është vendi të cilit Gjermania i shiti më shumë armë dhe pajisje ushtarake këtë vit. Berlini ka dhënë miratimin për shitjen e armëve dhe pajisjeve ushtarake ndaj Egjiptit në vlerën 4.34 miliardë euro.
Qeveria federale gjermane nën qeverisjen e kancelares Angela Merkel, pak kohë më parë nga ndryshimi i qeverisë miratoi dy eksporte për armë të ndjeshme (precize) ndaj Egjiptit.
Këshilli i Federal i Sigurisë i mbledhur nën kryesimin e Merkelit, miratoi shitjen ndaj Egjiptit për tre fregata të klasit “MEKO A-200 EN” të Thyssenkrupp Marine Systems si dhe 16 sisteme të mbrojtjes ajrore të llojit “IRIS-T SLS/SLX” të Diehl Defence.
Qeveria gjermane miratoi edhe eksportimin ndaj Singaporit për nëndetësen e klasit “218 SG” të ThyssenKrupp Marine Systems. Pas Hungarisë, Egjipti u rendit i dyti në shitjet e armëve të Gjermanisë me 763.8 milionë euro në vitin 2020.
Shitja e armëve dhe pajisjeve ushtarake të Gjermanisë në vitin 2020 ranë në 5 miliardë e 820 milionë euro duke shënuar rënie me 27.4 për qind në krahasim me një vit më parë.
/b.h
