Njerëz që vrapojnë për një blerë një biletë autobusi, rrugë të boshatisura dhe karroca të mbushura me ushqime.
Milano këtë të diel është zgjuar ndryshe nga herët e tjera, pas dekretit të kryeministrit Conte për të izoluar një pjesë të mirë të veriut të vendit, përfshi edhe kryeqendrën e Lombardisë.
Sheshi Duomo ishte thuajse i boshatisur, sikurse edhe disa nga rrugët kryesore të qytetit, që zakonisht janë të mbushura me banorë vendas dhe turistë të huaj.
Supermarketet u hapën sot ora 09.00 ndërsa shumë njerëz sic shihni fotot e mëposhtme, prisnin në radhë. N ë pak orë supermarketet u boshatisën dhe u mbyllën.
Italia një tmerr, e dyta pas Kinës për të prekur dhe të vdekur
Situata me koronavirusin është bërë edhe më shqetësuese sot, pasi vetëm në 24 orët e fundit u regjistruan 133 njerëz të vdekur duke e çuar në 366 numrin e përgjithshëm të viktimave nga virusi fatal.
Sakaq 24 orët e fundit u regjistruan edhe 1492 njerëz të prekur me koronavirus, bëhet e ditur nga informacionet e minutës së fundit që publikon zyrtarisht Organizata Botërore e Shëndetësisë.
Në total në Itali regjistrohen 7375 njerëz të prekur. Prej tyre vetëm 622 konsiderohen të shëruar. Nën mbikëqyrje mjekësore janë 6387 njerëz ku 650 prej tyre janë në gjendje kritike për jetën.
Me shifrat e sotme Italia është renditur e dyta pas Kinës për numrin e të infektuarve dhe të të vdekurve.
Ndërkohë në të gjithë botën ka arritur në 109631 numri i personave të infektuar me koronavirusin.
Prej tyre, 3802 njerëz kanë humbur jetën, kurse 6125 të tjerë janë në luftë me vdekjen.
Raportohet se deri tani janë shëruar 60923 njerëz të prekur, kurse po i nënshtrohen përkujdesjes mjekësore dhe 37505 njerëz të tjerë.
Kina sot shënoi vetëm 52 raste të reja njerëzish të infektuar që përbën numrin më të ulët ditor që nga nisja e koronavirusit. 24 orët e fundit në Kinë humbën jetën 28 persona.
Irani regjistroi 743 njerëz të prekur në 24 orët e fundit, kurse Korea e Jugut 272.
Sakaq u shënuan 218 raste të reja në Gjermani duke e çuar në 1018 totalin dhe 177 raste të reja në Francë duke u bërë total 1126 të prekur ndër të cilët 19 kanë vdekur.
Në Shqipëri nuk ka asnjë rast të konfirmuar si i infektuar me virusin e ri.
/a.r
