Milani mesa duket ka “harruar” të fitojë pasi në dy ndeshjet e fundit ka mundur të marrë vetëm 2 pikë, pavarësisht se ka luajtur me dy ekipet që renditen në fundin e klasifikimit të Serie A.
Edhe kësaj here, ashtu si me Caprin, Milani nuk mundi të fitonte ndeshjen me Veronën. Ndeshja përfundoi 1 me 1 në San Siro.
Pjesa e parë ka folur për Milanin, të paktën në kontrollin e topit, pavarësisht se nuk u shënua asnjë gol. Në pjesën e dytë realizon Bacca për Milan,por vetëm 4 minuta më pas, Verona merr një penallti e cila shndërrohet në gol nga Luca Toni.
Pas përfundimit të takimit, “San Siro” u “pushtua” nga vërshëllimat e tifozëve të Milanit, të cilët kurrsesi nuk mund të kënaqen më këtë paraqitje tejet të dobët të ekipit të tyre në këtë sezon.
