Theo Hernandez ka nënshkruar kontratë 5-vjeçare dhe do t’i kushtojë Milanit 20 milionë euro
Theo Hernandez edhe zyrtarisht është lojtar i Milanit, pasi kontrata e tij është zbuluar nga faqja zyrtare e Ligës Serie A, duke treguar se marrëveshja është përhershme.
Ishte raportuar se Reali dëshiron vetëm ta huazojë 21-vjeçarin, por në sajtin e Ligës shkruhet se marrëveshja është përhershme.
Theo ka kryer testet mjekësore të hënën, por kontrata është nënshkruar vetëm të premten mbrëma dhe janë bërë të ditura të shtunën në mëngjes.
21-vjeçari, i cili do t’i kushtojë Milanit 20 milionë euro, ka firmosur kontratë deri në vitin 2024 dhe Real Madrid nuk ka të drejtë të riblejë kartonin e tij.
Në vitin 2017 Reali i bleu nga Atletico Madrid për 24 milionë euro dhe më pas e la në huazim, teksa sezonin e fundit luajti me Real Sociedad./l.m
