Bindja Demokratike nuk ka mundur të bindë, Komisionin Qendror të Zgjedhjeve në nisjen e shqyrtimin e akimimit, të zgjedhjeve të 30 Qershorit, me pretendimet se ka patur mospërputhje të numrit të votuesve me fletët e gjetura në kuti, si edhe te votave reale, me rezultatet e shënuara nga tabelat përfundimtare përmbledhëse, të marra nga kandidatët e saj.
“Bashkëlidhur mungon elementi provues. Nuk ka asnjë dokument që të jetë administruar në trajtën e provës sikundër mungojnë edhe faktet apo argumente të tjera të parashtruara. Kështu që në këtë kërkesë me numër 17 subjekti nuk ka depozituar asnjë provë që mbështet pretendimet e tij. Do të propozoja që bazuar në nenin 129 pika 1 shkronja C, kjo kërkesë të kryhej për plotësim të elementëve të provës”, tha Rezarta Bitri anëtare e KQZ.
Por kreu i KQZ, Klement Zguri shpjegoi përse nuk ishte i të njëjtit mendim.
“Unë personalisht kam tjetër mendim që mund ti shërbente çështjes 130ta objekti verifikimit paraprak që në një farë mënyre ne jemi orientuar dhe në rastet e mëparshme KQZ është kompetente ankuesi është legjitim ka respektuar afatet ligjore dhe unë jam personalisht për të kaluar në seancë por kjo gjithsesi është vota ime. Do hedh në votim propozimin e relatores. Votimi mbyllet me 4 vota pro, një kundër”, u shpreh ai.
Nënkryetari KQZ Denar Biba dha këtë argumentim për votën kundra.
“Të gjitha këto ankime që më kanë rënë mua për shqyrtim kanë absolutisht të njëjtin tekst është copy-paste në të gjitha ankimet. Nuk më duket korrekto kjo sepse është objektivivisht e pamundur që në çdo ZAZ të ketë ndodhur ekzaktësisht e njëjta gjë. Por vërej se për bindjen e pretenduar nga Bindja Demokratike dhe indiciet e forta as bindja nuk mbështetet me ndonjë provë apo indicie nuk ndahen me KQZ. Thuhet që ka indicie të forta, por nuk listohen se kush janë këto indicie”, tha Denar Biba.
Tashmë Bindja Demokratike është përballë testit për të provuar e faktuar parregullsitë që pretendon. Me heret KQZ miratoi rezultatet e Kamzes dhe Korçës./l.m
