Rikthimi i Mario Balotellit në Milan është çështje orësh. Ai do të rikthehet në Milanello pas më shumë se 1 viti, dhe nëse kalon me sukses vizitat mjekësore do të firmosë kontratën me “djallin”.
Marrëveshja mes Liverpoolit dhe Milanit tashmë është arritur dhe rikthimi i Supermarios në San Siro pritet të ndodhë shumë shpejt.
Sipas mediave italiane, Mario Balotelli do të kalojë nga Liverpooli tek Milani në formën e huazimit për një sezon pa asnjë cent. Në marrëveshjen mes palëve është përfshirë edhe opsioni që Milan mund ta blejë përfundimisht kartonin e 25-vjecarit në fund të sezonit për një shumë të papërcaktuar ende.
Milani ndërkohë ka rënë dakort me klubin anglez që ti paguajë vetëm 3 milionë euro nga 6 milionë që Balotelli përfiton në total nga kontrata që ka me Liverpoolin.
