22 ndeshje mes kampionatit dhe kupave për vetëm 727 minuta të luajtura dhe një gol në Champions League.
Statistika këto shumë të varfëra me fanellën e Bayern Munich për atë që tashmë mund të konsiderohet ish-fëmija i talentuar, Renato Sanches.
22-vjeçari shpërtheu me përfaqësuesen portugeze në Europianin e “Francë 2016” kur nuk kishte mbushur ende 19 vjeç.
Pas dy sezoneve të mëparshme ku u aktivizua shumë pak mes Bayern Munih dhe Swansea City, tashmë mund të largohet sërish në mënyrë provizore nga skuadra e Kovac për të luajtur më shumë.
Lajmin e ka konfirmuar portali spanjoll “Sport”. Sanches në të kaluarën është përfolur për një huazim te Milan, që mund të rikthehet në modë për kuqezinjtë, të cilët në verë parashikohet të ndryshojnë shumë elementë të mesfushës.
/a.r
