Një aksident i rëndë ka ndodhur në fshatin Vërzhezhë të Skraparit pasi një mikrobus që transportonte nxënës ka dalë nga rruga.
Sipas të dhënave paraprake në aksident kanë mbetur të plagosur 10 persona.
4 nxënës po marrin ndihmë në spitalin e Beratit dhe janë jashtë rrezikut për jetën ndërkohë një 18-vjeçare u transportua drejt Tiranës pasi është në gjendje më të rëndë. 5 persona të tjerë kanë marrë dëmtime të lehta.
Mikrobusi i aksidentuar ishte duke shkuar për në Skrapar por në një moment drejtuesi humbi kontrollin duke bërë disa saltro.
Ende nuk dihen shkaqet e aksidentit. Policia ka nisur heitmet për zbardhjen e rrethanave të plota të aksidentit.
Reagon policia:
Në orën 07:35 të mëngjesit të sotëm, mjeti me targa AA 445 KE me drejtues shtetasin A.H., që transportonte nxënës shkolle nga fshatrat Buzuq dhe Orizaj për në shkollën e Çorovodës, ka dalë nga rruga.
Për pasojë nxënësit E.K., 17 vjeçe, A.K., 17 vjeçe, R.H., 17 vjeç dhe B.H., 17 vjeç po dërgohen në spitalin e Beratit për të marrë ndihmë mjekësore, ndërsa nxënësja R.K., 18 vjeçe, po transportohet në Spitalin e Traumës në Tiranë për ndihmë më të specializuar, për shkak se ka marrë dëmtime të shumta.
Gjithashtu janë lënduar lehtë edhe 5 nxënës të tjerë të cilët ndodhen në spitalin e Skraparit, për të marrë ndihmë mjekësore pa probleme për jetën.
Grupi hetimor në vendngjarje, po punon për zbardhjen e plotë të shkaqeve të aksidentit.
/a.m.
