Wendi Deng, ish-gruaja e manjatit të mediave, Rupert Murdoch, dyshohet nga shërbimet inteligjente amerikane se është agjente e Kinës.
Konkluzioni i shërbimeve sekrete vjen pas sigurimit të disa informacioneve nga burime të ndryshme.
Në fillim të vitit 2017 shërbimet informuan Jared Kushner, dhëndrin e presidentit Donald Trump, për dyshimet se sipërmarrësja mund ta ketë shfrytëzuar miqësinë e ngushtë me të dhe gruan e tij, Ivanka Trump, për të promovuar interesat e Pekinit.
Lajmin e bën të ditur Wall Street Journal, gazeta në pronësi të Murdoch, i cili u divorcua nga Wendi Deng në vitin 2013, pas zërave që u përhapën për një lidhje të saj me ish-kryeministrin britanik, Tony Blair./a.m.
